Uncategorized

باس برو شوب عامل بكرة السبت والأحد من ١٢ للساعة ٤ ظهرا أنشطة للأطفال

ومفاجآت وجوائز ولعب وكرافتس للاطفال

لمعرفة التفاصيل وأقرب فرع ليكم إضغط هنــــا

دليل مجانى لإلتهاب المفاصل

يعلم كيفيك التعامل مع إلتهاب المفاصل وآلامها

من هنــــــــا

أول إمبارح كان يوم عروض فرى علشان التاكس داى وكنت نشرت هنا مجموعة من العروض الهايلة فعلا

جبت منها آربيز والعرض بتاع باندا إكسبريس وده كان غدانا يومها

طبعا ال٣ علب البطاطس اللى فاضيين دول بتوع الأولاد إلتهموهم بالهنا والشفا على طول

لأنى بصراحة كنت جايباهم من المدرسة وأكيد كانوا جعانين جدا وما إستحملوش

لو لحقتى عرض من الفرى إبعتى قولى لنا لحقتى إيه

الخطوة الخامسة فى خطوات التوفير هى عمل مخزون للسلع اللى دائما بتستخدميها فى البيت

أولا : يعنى إيه مخزون للسلع التموينية

يعنى مخزن تحطى فيه مكرونة وأرز وشاى وقهوة ونسكافية وصلصة …و و و حتى المناديل والحفاظات لو عندك أطفال حاجة زى اللى فى الصورة ده

الصورة منسوبة إلى هوتكوبون وورلد

ثانيــا: طيب وإيه وجه التوفير فى كده

مخزون السلع ده هتعمليه لما تكون سعر المنتجات فى الحضيض زى ما بنقول

طيب يعنى إيه فى الحضيض ؟؟ يعنى لما يكون سعر المنتج تقريبا من ٧٠٪ لغاية ١٠٠٪ أوف يعنى تدفعى في المنتج من ٢٥٪ لغاية زيرو وتآخديه ببلاش

حاليا أنا لسه ببداية عمل مخزون لى فممكن أخزن المنتج من أول ٥٠٪ من سعره

طبعا بالأسلوب ده عمرك ما هتشترى أى منتج بتستعمليه على طول بالسعر العادى بتاعه لأنه هيكون موجود عندك

فى مخزنك الصغير بسعر اقل بكتير وعمرك ما هتجرى على الستور تشترى علبة سيريال لأنه خلص من عندك وما عندكيش تانى وتضطرى تدفعى التمن كامل

المطلوب منك تشترى المنتج بسعره اللى فى الحضيض بكمية تكفيكي لغاية لما سعره تانى ينزل فى الحضيض ودى إسمها دورة المنتج

بعض المنتجات الدورة بتاعتها بتآخد ٦ أسابيع زى السيريال وبعض المنتجات بتنزل مرة أ و إتنين فقط فى السنة زى الصوصات مثلا

بالتدريب والمتابعة هتقدرى تعرفى دورة أغلب المنتجات عندك

لقراءة باقى الخطوات

الخطوة الأولى : إستخدام الكوبونات     من فين أجيب الكوبونات ؟ أمريكـــا – كنــدا

الخطوة الثانية : لعبة الصيدلية ج١ – ج٢– ج٣

الخطوة الثالثة : تحديد الميزانية الأسبوعية أو الشهرية والإلتزام بها

الخطوة الرابعة : التخطيط للمنيو ج١ – ج٢

الخطوة الخامسة : عمل مخزون المواد الغذائية ج١ – ج٢

إنتظرونى فى الجزء القادم بإذن الله

الأسبوع الماضى كان فيه العرض بتاع دومينوز بيتزا أتمنى إنكم تكونوا لحقتوه

ودى البيتزا بتاعتنا بالفراخ وأكلناها والحمد لله:) ما أخدتش معانا وقت

ودى هنا رحلة الشوبينج بتاعة تارجت يوم الخميس الماضى

وده اللى إشتريته

عدد ٢ بونبونى لايف سيفرز من بواقى الإيستر ب ١.٣٤ دولار وإستخدمت ٢ كوبون كل واحد بدولار

عدد ٢ دوف كريم للشعر الواحد ب ٤.٤٩ دولار وإستخدمت ٢ كوبون دوف كل واحد ب ٢ دولار شوفى العرض من هنــــا

٢ كيس بيض بلاستيك ألوان ( هأعمل بيه نشاط لإبنى الصغير) من بواقى الإيستر الواحد ب ٢٩ سنت

٣ عل مكرونة الواحدة بدولار وإستخدمت كوبون دولار على التلاتة من تارجت

٤ أكياس خضار مجمد ب ١.٠٩ وواحد ب ١.٣٩ دولار إستخدمت كوبون دزلار على الأربعة

٢ علبة سبريد إستخدمت العرض ده

دفعت بعد الكوبونات ٢١.٣٣ دولار

هأعرض عليكم الحاجات اللى إشتريتها من تارجت الأسبوع الماضى وطبعا بالكوبونات

يللا بينا نشوف أنا إشتريت إيه

٣ علبة مكرونة مارت بانترى ( الماركة بتاعة تارجت) إستخدمت كوبون دولار على التلاتة من الويب سايت بتاع تارجت وكان عليهم عرض الواحدة بدولار

كيس كريزنز صغير كان معايا كوبون فرى حتى ٣.٥ دولار الحقيقة الكيس كان بـ ١.٢٩ لكن المفاجأة إن على الكاشير خصمت المبلغ كله من إجمالى الفاتورة

٢ كيس بيض شيكولاتة صغير إستخدمت كوبون ٣ دولار على الكيسين كأنهم بوجو

٤ معطر جو جليد ببلاش كان عليهم الكوبونات اللى قلت لكم عليهم المرة اللى فاتت

٢ برطمان راجو صوص للمكرونة كان معايا كوبونات ب ١.٥ دولار وقفت كأنهم بوجو

٦ علب لبن مكثف كان عليهم عرض نازل الواحد لـ ١.٥٢ دولار

لعبة كاندى لاند … فرى كان عليهم كوبونات

١ بلانترز زبدة الفول السودانى كان معايا كوبون دولار عليها

٢ علية صلصة طماطم + ٢ علبة توماتو بيست ماركة تارجت ( من غير كوبونات) لكن الصوص كان عليه تخفيض

علبة زبادى دانون – من غير تخفيض

إجمالى الفاتورة قبل الكوبونات كان ٣٦,٧٨ سنت

وبعد الكوبونات ودفعت بالكارد الأحمر بتاع تارجت – بيدينى ٥٪ تخفيض زيادة- دفعت فى النهاية ١٩ دولار تقريبا

الحقيقة كانت شوبينج مثمر ومليان حاجات فرى وده بيسعدنى وأكيد بيسعدكم

هاااه لو جبتى حاجات فرى إبعتى قولى لنا إيه اللى إشتريتيه وعملتى إيه فى الشوبينج بتاعك للتشجيع

دمتم لى بود