Uncategorized
نقط جديدة من ريسايكل بانك
٣٠ نقطة جديدة من ريسايكل بانك مش هيآخدوا منكم ٣ دقائق على بعض
من هنــــــا إدخلوا وإكسبوا النقط … لو مش عارفين إيه هو ريسايكل بانك إدخلوا هنا للقراءة
Jingit – أفكار بسيطة لزيادة الدخل
نكمل مشوارنا وأفكارنا حول زيادة الدخل بنسبة بسيطة بلا مجهود أو مؤهلات خاصة
Jingit فكرة اليوم هى ويب سايت إسمه جينج إت أو
وكالعادة السؤال الأول إيه هو ده؟؟؟؟
جينج إت ده ويب سايت بيعطيكم فلوس إذا إتفرجتم على إعلانات عليه وبتجاوبوا على مجموعة
أسئلة بسيطة بعده وكل إعلان بيكون فى حدود ١٠ سنت وكمان ممككن يعطيكم فلوس لما تعملوا
داونلود للأبليكيشن بتاعته على السمارت فون لو عندكم آى فون أو آندرويد وبيطلب منكم تعملوا سكان
لبعض المنتجات بولمارت وبتجاوبوا برضه على أسئلة .. هو واضح إنه ويب سايت تبع ولمارت أو
شركة بتعمل دعاية مثلا لمنتجات بولمارت يعنى هو بيشتغل بس معاه مش مع أى ستور تانى
طيب إزاى ممكن نشترك فيه؟
الإشتراك فيه عن طريق اللينك هنـــــا بس لازم يكون عندكم فيسبوك أكونت ولازم يكون عندكم أى
موبايل فيه خاصية إستقبال الرسائل لأنه هيبعت لكم كود بعد التسجيل على الموبايل لإتمام
عملية التسجيل عليه
كيفية الربـــح
بمجرد إتمام التسجيل سوف تتمكنون من مشاهدة مقاطع فيديو وإعلانات كل فرد مسموح له
مجموعة من الإعلانات يوميا بالإضافة إلى ذلك لو عندكم سمارت فون تقدروا تنزلوا التطبيق بتاعه
Jingit appإسمها
وتعملوا سكان لبار كود فى ولمارت وتجاوبوا على الأسئلة وتكسبوا فلوس
إزاى يتم تحصيل الفلوس
بتسجلوا عندهم وبتآخدوا جينجيت فيزا كارد يتم تحويل الفلوس عليه ولإتمام التسجيل فى الفيزا
بيسحبوا مبلغ ٢ أو ٣ دولار ( تضاربت الأقوال ) من الحساب بتاع جينجيت بتاعكم يعنى علشان تقدموا على
الفيزا لازم يكون معاكم فى الحساب ٢ أو ٣ دولار على الأقل
طيب أقدر أكسب كام إسبوعيا
فيه حد أقصى للكسب الأسبوعى وهو ١٥ دولار لكن فى الأول الحد الأقصى بتاعكم
بيكون قليل وكل ما تبعتوا اللينك وأصحابكم يدخلوا يعملوا تسجيل بيزيد الحد الأقصى المسموح ليكم
طيب تجربتك الشخصية؟؟؟ عملتى إيه
الحقيقة مش كتير أنا لسه يا دوب عاملة الحساب بتاعى وكسبت يمكن ٢ دولار بس مش أكتر فيه
ولسه لم أقم بتحصيل مبالغ أو حتى التقديم على الفيزا كارد .. لكن سمعت من ناس موثوق فيها
بعضهم كسب ٥٠ و٦٠ دولار وأكثر فى الشهر لأن الحد الأقصى بتاعهم عالى
لكن أعتقد إنه طالما ليه علاقة بولمارت فمن المستحيل إنه يكون نصب مش معقول
ستور كبير زى ولمارت يحط إسمه فى شركة نصابة وخصوصا إنه موجود على
الويب سايت بتاع ولمارت كمان
أتمنى تجربوه إنتم كمان ويكون ذو فائدة ليكم
وأشوفكم فى الفكرة اللى جاية على خير إن شاء الله
لقراءة باقى المجموعـــة
مقدمــــة
أفكـار لزيادة الدخل – سواج باكس ج١
أفكـار لزيادة الدخل – سواج باكس ج٢
أ
فكـار لزيادة الدخل – سواج باكس ج٣
أفكـار لزيادة الدخل – بيع كراكيب البيت
أفكـار لزيادة الدخل – بيع كراكيب البيت- ٧ نصائح مهمة
أفكار بسيطة لزيادة الدخل – بيع كراكيب المنزل – كريجز ليست
أفكـار بسيطة لزيادة الدخل – بيع كراكيب المنزل – أسواق البيع للغير
أفكار بسيطة لزيادة الدخل – بيع كراكيب المنزل – الجراج سيل ١٠ نصائح
Jingit – أفكار بسيطة لزيادة الدخل
Mechanical Turk أفكار بسيطة لزيادة الدخل
ibotta أفكار بسيطة لزيادة الدخل – من
سامبلز وكوبونات وصلتنى بالبريد
مجموعة من السامبلز والكوبونات وصلتنى من مده ولم أعرضها عليكم
سامبلز من فينيش صابون غسالة الأطباق ونسكافية جديد رووووعة على فكرة ونازل الأسبوع ده فى ولجرينز
ال ٢ عبوة ب ٧ دولار غالى طبعا بس الحقيقة جميل فعلا إبقوا جربوه – و فبريز معطر ومعجون للأسنان الحساسة
وأيضا حفاظات الأطفال من كيركلاند – ماركة كوسكو
أفكار بسيطة لزيادة الدخل – بيع كراكيب المنزل- جراج سيل ١٠ نصائح مهمة
إستكمالا لما بدأته معكم من قبل بخصوص بعض الأفكار لزيادة الدخل زيادة بسيطة
كنا بنتكلم فى السابق عن بيع كراكيب المنزل .. اليوم ميعادنا مع الجراج سيل واليارد سيل
…
أفكـار بسيطة لزيادة الدخل – أسواق البيع للغير
المرة اللى فاتت إتكلمنا عن البيع على كريجز ليست وبعض الملحوظات عليه وطرق الإستفادة منه
النهاردة هأكلمكم عن طريقة بالنسبة لى تعتبر المفضلة .. وإستخدمتها فى بيع الملابس المستعملة
وحاجات ولعب الأطفال المستعملة .. وهى محلات وأسواق البيع للغير أو ما يسمى بالــ
Consignment Stores / Fares
أولا أحب أعرفكم على الكونساينمنت ستورز
الكونساينمنت شوب هو محل للبيع للغير يعنى بيآخد منك الملابس مثلا ويعرضها للبيع عنده
فى المحل بتاعه فى مقابل نسبة من الربح .. أو ممكن المحل نفسه يشترى منكم الملابس واللعب
مثلا ويديلكم ستور كريدت يعنى زى كارت تشترى بتمنه من المحل أو يديلكم فلوس لكن بتكون أقل
يعنى مثلا لو البضاعة بتاعتكم تم تقديرها ب١٥٠ دولار بتآخدو كارد للستور تقدروا تشتروا
منه ب ١٥٠ دولار أو تآخدوا فلوس كاش بس بتكون أقل مثلا ١٢٠ أو ١٠٠ دولار على حسب سياسة المحل
ثانيــا : معارض البيع للغير
ودى بتكون عبارة عن سوق كبير مقام على أرض واسعة جدا وكل الناس بتعرض أشياء عندها
مستعلمة أو جديدة من ملابس أطفال لملابس حوامل ولعب وحتى حفاظات الأطفال وهكذا على حسب المعرض
يعنى المعرض اللى إشتركت فيه كان لكل الأشياء الخاصة بالأطفال أو السيدات الحوامل
المميــزات: من وجهة نظرى
بنلم الحاجات وبنعرضها مرة واحدة كلها فى معرض مدته فى الغالب ٣ أيام *
مش بأضطر أرد على تليفون إستفسارى زى كريجز ليست *
محدش بيتفق معايا على ميعاد ويخلفه زى كريجز ليست – مش دايما طبعا *
محدش بيعرف مكان البيت بتاعك زى الكريجز ليست أو الجراج سيل مثلا *
مش بأشيل هم السيكيوريتى وإن حد يسرق حاجة أو كده *
الشيك بيجي لي على البيت على طول ومضمونين *
ممكن أختار إن الحاجات التى لم تباع تتبعت للتبرعات للملاجئ مثلا ولأغراض خيرية *
الحاجات التى لم تباع وقمتم بالتبرع بها ممكن نعمل بيها ريبورت وتتحط فى التاكس بتاعنا *
العيــوب: من وجهة نظرى برضه
إعداد الملا بس لازم يكون على مستوى عالى وبيآخد وقت شوية علشان نحط البار كود والأسعار *
توصيل الأغراض للمكان وأرجع تانى أعمل بيك أب للأغراض التى لم تباع *
طبعا النسبة اللى بيآخدوها والإشتراك فى المعرض – حسب المعرض *
المنافسة بتكون قوية أكيد لأن بيكون فيه حاجات كتير معروضــة للبيع *
ملاحظاتــى
الماركات تباع بسرعة *
ملابس الأطفال الكبار تباع بسرعة جدا بالذات من ٦ سنين فما فوق *
ملابس البيبيهات بيكون فيه منها ملايين القطع – رخصوا التمن علشان تتباع *
لا تحاولوا بيع الملابس المبهدلة أو المتقطعة أو المبقعة .. سيتم رفضها من المعرض نفسه *
لو عايزين نآخد نسبة أكبر من مبيعاتنا يبقى نتطوع فى المعرض بيحتاجوا متطوعين كتير *
إشتروا لعب الأطفال من هناك بيكون فيه لعب كتير حلوة وجديدة كمان وأسعارها خرافة *
لو عايزين تشتروا ملابس ده بيرجع ليكم .. كتير هتلاقوا هناك ملابس جديدة بالتيكيت بتاعها *
المعرض اللى رحته وإتعاملت معاه إسمه جاست بتوين فريندز موجود بأغلب الولايات
ودى مجموعة من الصور أخدتها بنفسى فى السيل اللى فات
ملابس صيفية ومايوهات وعوامات كمان
أ
لعاب لكل الأعمار ودراجات وسترولرز ( عربات الأطفال) والواجونز بتاع الأطفال وكتير كتير
ملايات وبطاطين ومستلزمات غرف الأطفال
ملابس كل الأعمار من صفر وحتى ١٨ سنة
أحذية وشباشب وصتادل أولادى وبناتى وكل الأعمار
بصراحة معرض هائل ومنظم جدا وعندهم سيستم أونلاين تقدروا تشوفوا إيه اللى تم بيعه وبكام والمفروض يطلع لكم شيك بكام
إن شاء الله هأشترك بالمعارض القادمة وأنصحكم به وبشدة الحمد لله المرة اللى فاتت عملت مبلغ حلو $$ جدا جدا
هناك العديد طبعا من المعارض المشهورة ولكن لم أقم بتجربتها شخصيا مثل
وانس أبون أ تشايلد
ذا إكستشاينج أعتقد بتكساس فقط
كيدز كلوزيت
وغيرهم العديد من المحلات فقك إبحثوا فى جوجل وستجدون العديد من المحلات والمعارض
طبعــا مش عايزة أقول لكم إن دى الطريقة الى ناسبتنى أنا وظروفى لكن ممكن قوى دى ما تكونش طريقتكم
المفضلة وللمزيد من طرق الإستفادة من الملابس وكراكيب البيت تابعونى فى الأجزاء القادمة بإذن الله
لقراءة باقى المجموعـــة
مقدمــــة
أفكـار لزيادة الدخل – سواج باكس ج١
أفكـار لزيادة الدخل – سواج باكس ج٢
أفكـار لزيادة الدخل – سواج باكس ج٣
أفكـار لزيادة الدخل – بيع كراكيب البيت
أفكـار لزيادة الدخل – بيع كراكيب البيت- ٧ نصائح مهمة
أفكار بسيطة لزيادة الدخل – بيع كراكيب المنزل – كريجز ليست
أفكـار بسيطة لزيادة الدخل – بيع كراكيب المنزل – أسواق البيع للغير
أفكار بسيطة لزيادة الدخل – بيع كراكيب المنزل – الجراج سيل ١٠ نصائح
Jingit – أفكار بسيطة لزيادة الدخل
Mechanical Turk أفكار بسيطة لزيادة الدخل
