أنا عارفة إن البوست ده متأخر وكان المفروض يطلع أول الأسبوع معلش .. اليومين دول بنستعد للسفر بإذن الله والدنيا متدربكة عندنا شويتين كالعادة
الأسبوع ده عملنا أكل الأسبوع وحطينا كله في التلاجة الحمد لله ما إحتاجناش للفريز
أول حاجة عملناها هي ساندوتشات الأسبوع وبنحطها في علب التلاجة البلاستيك – على فكرة العلب دي أنا جايباها من مصر :)- من أولاد رجب اللي هناك بأموت في حاجات بلدي طبعا كلنا كده مش أنا بس أكيد
الأسبوع ده برضه تبلت لحمة مفرومة تتبيلة الحواوشي بس ما حطيتش عليها الفلفل الرومي لما نيجي نسويها هأبقى أقطع عليها الفلفل بإذن الله
ومقاطعة من الأولاد
جميل اووى حبيبتى تسلم ايديك ودعوة دايما بدعمها لك ع طول أن ربنا يسهل طريقك للجنة زى ما بتدخل علينا بأى حاجة تسهل حياتنا وإنشاء الله اجازة سعيدة وكلمينى ليلى ع مصر احنا هنا فى الصيف علشان ميعاد الولادة بتهمة فى 8 والمدارس بت خلص اول
7
ودعوات أن اقدر أوفق اول مرة اجرب الولادة هنا لانى لولد قيصرى لاتنسى من صالح دعائكم ربنا يسعدك ويكرم بحبك فى الله بجد ربنا يعلم انا بحبك اد ايه
أروى .. أخجلتيني بجد هأموووت من الكسوف منك
ربنا يجمعنا في الجنة ويسقينا من حوض النبي شربة هنيئة إحنا وأحبابنا با رب
الله ييسر لك الولادة وتقومي بالسلامة إن شاء الله ويرزقك الله الذرية الصالحة يا ريت يا أروى تعملي إيميل وتبعتي لي بجد عايزة أتواصل معاكي بالإيميل .. عايزة أشتري لك مغات من مصر ههههههه والله مش بأهزر
ما تخافيش من الولادة أنا كمان كنت خايفة أولد ولوحدي محدش معايا وربنا بيسهل إعتمدي على الله سبحانه وتعالى . ربنا كريم قوي فوق ما نتخيل