أهداف الأسبوع الماضي فشلت فشل ذريع مع الأسف كان عندي ضغط غير طبيعي بسبب موضوع النقل مش بس علشان النقل في ذاته .. لأ الأصعب من كده إننا ما كناش عارفين هننقل فين؟؟؟ .. جنان مش كده؟ بصراحة إحنا كنا ناويين ننقل فلوريدا لأسباب عائلية وقررنا نقعد هنا في كلورادو في آخر لحظة برضه لأسباب عائلية أخرى
الفكرة إننا ما كانش عندنا مكان نروح فيه وكان فاضل لنا حوالي ١٠ أيام بالمكان اللي إحنا فيه وبالتالي خرجنا زي المجانين ندور على شقة واللا أي مكان نروح فيه إحنا والأولاد ويبقى كويس وعلشان مدارس السنة دي والمدارس السنة اللي جاية.. شغلانة وحيرة ربنا ما يوقعكم فيها أبدا
شخصية
الإستمرار في قراءة الكتاب – كتاب جميل فعلا أنصحكم به –
الإستماع إلى حلقات الوعد الحق ٣٨- ٣٩
صلاة القيام مرتين على الأقل هذا الأسبوع
المحافظة على الصلاة على وقتها مع السنن
قراءة يوميا في المصحف الشريف
الإستمرار في قراءة الكتاب – كتاب جميل فعلا أنصحكم به –
الإستماع إلى حلقات الوعد الحق ٣٨- ٣٩
صلاة القيام مرتين على الأقل هذا الأسبوع
قراءة يوميا في المصحف الشريف
مع العائلة والزوج
الخروج مع زوجي مرة بمفردنا إذا سمح الجو – لم يتم
التخطيط للنقل من البيت ولم باقي المتعلقات بسرعة
الإستقرار على مكان البيت أو الشقة الجديدة
القراءة مع الأولاد في المصحف الشريف ولو مرتين لكل منهم – لم يتم
التخطيط للنقل من البيت ولم باقي المتعلقات بسرعة
الإستقرار على مكان البيت أو الشقة الجديدة
المدونة
محاولة قدر المستطاع التدوين يوميا ووضع مقالات مفيدة – لم يتم
وبالتالي زي ما إنتم شايفين كده حاجات كتيرة لم تتم لكن مش مشكلة إن شاء الله حياتي تنتظم ونحاول تاني
أهداف هذا الأسبوع إن شاء الله
حاليا هدفي الرئيسي الإنتقال بسلام إن شاء الله للشقة الجديدة وترتيب أمورنا فيها من إنترنت وخلافه ثم إستكمال ما لم يتم من أهداف الأسبوع الماضي قدر المستطاع
إدعوا لنا بالتوفيق وأحب أسمعكم كلكم يا ريت تتركوا لي تعليق وتقولوا لي عملتوا إيه؟
خيره ان شاء الله. الله يسهل عليكم ويكتب لكم الي فيه خير
السلام عليكم
اولا وحشتيني ووحشتني المدونه بس لظروف كدا مقدرتش ادخل كتير
سبحان الله انا كمان هنقل من شقتي و فعلا محتارين نروح فين هل نفس مكانا و الا مكان تاني لسه ربنا يعينك و يعنا بجد تجهيزات النقل من مكان للتاني صعبه قوي بتلاقي عندك حاجات كتيرر مبتظهرش غير وقت النقل
ان شاء الله اول ما الامور تظبط كل حاجه تبقي تمام
أهلا سوبر فينك؟
آه والله تعبت جدا في النقل الحمد لله على كل حال ربنا يعينكم ويقدركم
والله ياجماعة انا منصحكوش بالنقل الكتير انتم كدا بضيعوا وقت ومجهود لو مرتاحين فمكانكم جددوا العقد وخلاص
والله يا بنتي أنا تعبت فعلا من النقل الكتير خلااااااص إستويت بس هأعمل إيه
بعد الشر عليكي
الإيجار عندنا هنا في كلورادو بقى رهييييب غالي جدا جدا تقريبا بقسط بيت ويا ريت الشقة مثلا كبيرة بقى وجراج – على فكرة الجراج مهم جدا هنا علشان التلج في أيام الشتا وخصوصا إني هأوصل الأولاد السنةدي للمدارس مفيش باص – لا أبدا الشقة صغيرة تقريبا تيجي لها أقل من ١٣٠ أو ١٢٠ متر … بس والله ما عنديش مانع منها أبدا بس المشكلة في الإيجار إنهم زودوه علينا جدا لو قلت لك الرقم هتتفجعي