اليوم هأقدم لكم كيكة لذيذة لمحبي نكهة الموز ززز سهلة جدا وهشة وإن شاء الله دايما ناجحة .. عملتها كتير وكانت بتعجب أصدقاء زوجي في الشغل جدا جدا
لو إنتم مش من هواة الموز أو مش بتحبوه في الكيك .. الكيكة دي للأسف مش هتنفعكم .. لأن فيه ناس مش بتحب طعم الموز ولا نكهته .. مع إنها عجبت أصدقاء زوجي ودايما بيطلبوها مني إلا إنها ما عجبتش زوجي لأنه مش بيحب الموز ولا بيطيق النكهة بتاعته في أي شيئ
مش عارفة ليه دايما لما بنشتري موز بيتبقى ٢ أو تلاتة مفيش حد عايز يآكلهم!! يمكن لأن الموز بيسود بسرعة وأنا أولادي لو الموز بقى لونه منقط أو إسود لا يمكن يآكلوه.. لو ده حالكم الكيكة دي تنفعكم جدا بدل ما نرمي الأكل
لو مش مستعدين تعملوا الكيكة قطعوا الموز قطع وحطوه بالفريزر ولما تكونوا مستعدين تعملوا الكيكة طلعوه
أتمنى تجربوها وإن شاء الله تعجبكم
Dear sister asa
you mentioned Milk in your description….but there is no milk in the ingredients
how much milk should i add please?
لا حول ولاقوة إلا بالله العلي العظيم … معلش أنا آسفة جدا جدا مخي ضرب والله من موضوع النقل ده ونسيت أضع المقادير كلها
مقدرا اللبن هو نصف كوب
آسفة مرة أخرى إعذريني حبيبتي
وجزاكم الله خيرا على التنبيه