أفكار نميسة

 

::كيفية التخلص من زيوت القلي

زيت القلي يمثل مشكلة في التخلص منه ولو مفيش عندكمىفي المنطقة مكان لإعادة تدوير زيوت الطعام أنصحكم وبشدة إنكم ما ترموش الزيوت لا في حوض المطبخ ولا في الحمام لأن ده ممكن يسبب مشكلة كبيرة في المواسير

 

أحسن طريقة للتخلص من زيوت القلي هي إنكم تجمعوها في أي علبة بلاستيك فاضية – أنا أستخدم علب الزبادي – ونغطيها ونحطها بالفريزر

ويوم تجميع الزبالة نطلعها من الفريزر ونلفها في كذا كيس ونرميها مع الزبالة

لو الدنيا حر إنتظروا أطول فترة ممكنة قبل ما تطلعوها علشان ما يتحولش لسائل بسرعة ولفوها في كذا كيس للأمان

 

::التخلص من رائحة علبة القمامة

القمامة أو علبة الزبالة أوقات كتير بتكون رائحتها سيئة جدا جدا بالذات لو في يوم طبخنا ورمينا الأطباق الفوم اللي بيكون فيها اللحمة أو الفراخ

للتقليل من رائحة القمامة السيئة

لما نطبخ لحوم/دجاج/ سمك نضع الأطباق الفوم في كذا كيس بلاستيك ونحكم الغلق

نحرص على غسل علبة الزبالة بشكل منتظم وتهويتها

ممكن نرش كيس الزبالة الجديد بأي بودي سبراي أو معطر الجو عندنا

نضع في علبة الزبالة القليل من صابون الغسيل البودرة قبل وضع الكيس ونبقى نغسل بيه العلبة في ميعاد غسيلها

 

الموز بيستوي بسرعة

لما تشتروا موز ويكون هيصفر أو هيستوي بسرعة وهينتهي بيه الحال إلى سلة القمامة جربوا الآتي

 

فصصوا الموز من بعضه كده زي الصورة بيقلل من معدل سوى الموز وهيقعد فترة أطول

 

 
رائحة أسفنجة غسيل الأطباق

بعد إستخدام أسفنجة غسيل الأطباق دائما كنت بألاحظ إن رائحتها بتكون سيئة جدا جدا حتى مع حرصي على شطفها جيدا من بواقي الأطعمة وخلافه

رائحة الإسفنجة السيئة بتكون من الميكروبات العالقة فيها واللي مش بتموت وبتعمل رائحة عفنة بالأسفنجة

الحل بسيط وسهل .. وهو إننا لازم نموت الميكروبات دي … إزاي

 

نضعها مع الأطباق والأكواب في غسالة الأطباق : حرارة الماء والتجفيف تقتل الميكروبات وتجعل رائحة الإسفنجة نظيفة تماما

إذا لم تتواجد غسالة أطباق ببساطة نغسل الأسفنجة كويس في ماء مغلي … نتركها فترة بالماء المغلي ثم نعصرها جيدا ويستحسن وضع القليل من الخل مع الماء المغلي

 يمكن أيضا وضع الإسفنجة المبلولة في المايكروويف لمدة دقيقتين ثم تركها تبرد .. بس إحترسوا لأنها هتكون ساااااخنة جدا جدا

 

أتمنى إن أفكارنا النميسة لليوم تكون مفيدة لكم … إنتظرونا في المزيد من الإقتراحات