اليوم التاني إنتهى على خير من تنظيف وغسيل وإن شاء الله أحط لكم المتابعة مع اليوم الثالث
نأتي لليوم الثالث … وبما إننا في ويك إند طويل هنعمل شوية مهمات مهمة
أول مهمة هي شراء لبس العيد للأولاد .. ما تستغربوش إنه بدري كده بس أحسن من الزنقة واللف في آخر أيام رمضان ودي أيام مهمة ومش من المفروض إننا نضيعها في شراء وطبيخ وكلام من ده دول يا دوب كام يوم في السنة كلها .. علشان كده مهم نستعد كويس وما نشغلش نفسنا في الفترة دي غير بالطاعة والعبادة … لو إنتم في الدول العربية أكيد لازم تشتروا من بدري أولا اللبس بيخلص واللي في المحلات مش بيكون كويس قبل العيد مباشرة يا إما نلاقي اللون وما نلاقيش المقاس يا إما اللون والمقاس بس السعر وهكذا إستعدوا من دلوقتي وإشتروا هدوم للولاد أونلاين أو بالستور زي ما تحبوا ولو بتحبوا تشتروا حاجة لنفسكم أو للزوج أو للبيت يعني إشتروا متطلبات العيد كلها دلوقتي
المهمة الثانية هي مهمة مطبخية الا وهي تحضير القطايف
لو بتحبوا القطايف زينا حضروها وحطوها بالفريزر من دلوقتي … الحقيقة إحنا بنحب القطايف جدا في بيتنا حلو وحادق علشان كده ناوية أعمل مجموعة كبيرة من النوعين إن شاء الله بالمكسرات وبالجبنة أو اللحم المفروم ولو إننا بنحب اللي بالجبنة جدا جدا .. لو ما عندكمش وصفة معينة للقطايف جربوا دي بتاعتنا يمكن تعجبكم
وأشوفكم بالمتابعة إن شاء الله
اروى says
انا مهما اشكرك مش هوافى حقك الجزاء من عند الكريك تسلمى حبيبتى متابعة معاك