العاشورا أو العاشوراء طبق موجود في كل بلدان العالم العربى وموجود بتركيا أيضا … يقال إن العاشورا أصلها من أيام سيدنا نوح لما رسيت السفينة وكانوا عايزين يآكلوا حاجة مكانش معاهم غير حبوب … حطوها مع اللبن وبقيت العاشورا .. لكن اللى نعرفها فى مصر بتتعمل بالقمح الحبة الكاملة ومفيهاش أى حبوب أخرى وتزين بالمكسرات والزبيب وعادة بنعملها فى ١٠ محرم من السنة العربية لما بنصوم يوم عاشوراء .. وهى على العموم تتعمل بأى وقت من السنة حلوة ولذيذة ومغذية
نضع الكوب فى حلة وعليه أكواب الماء على نار عالية حتى الغليان ثم نهدى النار عليه ونسيبه حتى تمام النضج – حوالى ٤٥ دقيقة لغاية لما يكون شكله زى الصورة كده
نضيف اللبن والسكر ونقلب حتى يذوب السكر تماما ثم نضيف الفانيليا أو ماء الورد
نضيف النشا المذاب فى اللبن للحلة ونقلب حوالى ١٠-١٥ دقيقة كمان حتى يتخن
يترك ليهدأ ويغرف فى أطباق ويزين بالمكسرات المختلفة والزبيب حسب الرغبة
جميلة يا أميرة ربنا يطعمك من طعام أهل الجنة يارب وحشتينى
الله يكرمك ويعزك يا أروى ويبارك لك فى أهل بيتك … ولكم مثل ما قلتم إن شاء الله